विट्यात 'वाचन प्रेरणा दिन' उत्साहात साजरा

विटा : भारताचे माजी राष्ट्रपती मिसाईल मॅन भारतरत्न डॉ ए. पी. जे. अबुल कलाम आझाद यांच्या जयंतीनिमित्त क्रांतिसिंह नाना पाटील वाचनालय विटा येथे त्यांना अभिवादन करुन, 'वाचन प्रेरणा दिन' साजरा करण्यात आला. डॉक्टर कलाम साहेब यांनी अतिशय गरीबीतून आणि कष्टाने आपले शिक्षण पूर्ण केले होते. एक जगप्रसिद्ध शास्त्रज्ञ, मिसाईल मॅन म्हणून जगभरात त्यांची ओळख होती. भारताचे राष्ट्रपती म्हणून काम करण्याची संधी त्यांना मिळाली होती. एवढ्या मोठ्या पदावर जाऊन सुद्धा त्यांनी आपला साधेपणा, विनम्रता सोडली नव्हती. त्यानी आपल्या संपूर्ण आयुष्यात अफाट वाचन करून ज्ञानसाधना केली होती. विद्यार्थ्यांनी त्यांचे हे गुण आत्मसात केले पाहिजेत. असे प्रतिपादन विजय महीद यांनी या प्रसंगी बोलताना केले. ॲड. सुभाष पाटील यांनीही आपले मनोगत व्यक्त केले. वाचनालयाच्या वाचन कक्षात झालेल्या अभिवादन सोहळ्यास लोक विद्यापीठाच्या प्राचार्या स्नेहल पवार, मुख्याध्यापक श्री कांबळे, मुख्याध्यापिका उज्ज्वला पाटील, मुख्याध्यापिका आनंदी पाटील, ऋतुजा बिसुरकर, शिक्षक व विद्यार्थी उपस्थित होते. ग्रंथपाल माधुरी माने यांनी आभार मानले.

  (सदरची बातमी ज्येष्ठ पत्रकार प्रदीप जोशी यांनी संपादित केली आहे)