ब्रह्माकुमारीज विद्यालयात 'वृद्धजन दिवस' साजरा

विटा : येथील ब्रह्माकुमारीज विद्यालयामध्ये एक ऑक्टोबर रोजी 'वृद्धजन दिवस' साजरा करण्यात आला. कार्यक्रमाच्या प्रमुख पाहुण्या डॉ. स्नेहा कदम उपस्थित होत्या त्यांनी शारीरिक व मानसिक दृष्ट्या आपले जीवन निरोगी कसे ठेवावे या संदर्भात मार्गदर्शन केले. या कार्यक्रमाचा मुख्य उद्देश्य असा होता की वरिष्ठ, सम्माननीय व्यक्तीनी आपल्या जीवनामध्ये केलेली मेहनत किंवा कष्ट आणि त्यांच्या घेतलेल्या अनुभवांचा आपण आदर करावा व तसे समाज्यामध्ये त्यांना योग्य स्थान मिळावे , त्याच बरोबर कुटुंब- परिवारामध्ये राहत असताना भिन्न-भिन्न स्वभाव- संस्कारामुळे आपसात होणारे वाद विवाद, मतभेद, गैरसमज अश्या अनेक घटनांमध्ये आपण आपले मानसिक स्वास्थ्य कसे जपावे यासाठी राजयोगाचा अभ्यास करण्यात आला. राजयोग ही आनंदी जीवनाची गुरुकिल्ली आहे. याच्या नियमित अभ्यासाने आपण आपल्या अनियंत्रित भावनांना शांत करुन, आनंदी राहू शकतो. ब्रह्माकुमारीज विद्यालयाच्या संचालिका नंदा दीदी यांनी सदर कार्यक्रमाचे आयोजन केले होते. सदर कार्यक्रमास प्राध्यापक अंकुश निकम,
प्रविण दाते सर इत्यादी मान्यवर उपस्थित होते. ईश्वरीय परिवाराच्या सहयोगाने कार्यक्रम संपन्न झाला.