सर्वोत्कृष्ट व्यंगचित्रकार म्हणून ज्ञानेश बेलेकर सन्मानीत

पनवेल : श्रीराम सेठ ठाकूर सामाजिक विकास मंडळ आणि मुंबई मराठी पत्रकार संगम यांच्या संयुक्त विद्यमाने आयोजित दिवाळी अंक स्पर्धा 2025 वितरण समारंभात ज्ञानेश बेलेकर यांना सर्वोत्कृष्ट व्यंगचित्रकार म्हणून पुरस्कार नामदार आशिष शेलार (मंत्री- माहिती तंत्रज्ञान सांस्कृतिक कार्य, महाराष्ट्र राज्य) यांच्या हस्ते व पानिपतकार विश्वास पाटील, आमदार रामशेठ ठाकूर, मुंबई मराठी पत्रकार संघाचे अध्यक्ष संदीप चव्हाण यांच्या उपस्थितीत प्रदान करण्यात आला. सोबत पाच हजार रुपयाचा धनादेश देण्यात आला. इतरही अनेक पुरस्कार प्रदान करण्यात आले. अतिशय प्रतिकूल परिस्थितीतून सर्व गुणवंतानी दिवाळी अंकाची प्रथा सातत्याने सुरू ठेवल्याबद्दल मंत्री महोदयांनी संबंधीतांचे अभिनंदन केले. पनवेल येथील आद्यक्रांतिवीर वासुदेव बळवंत फडके नाट्यगृहात सदरचा कार्यक्रम संपन्न झाला.